♨ 豪郵輪

　

兩天後便要出發，乘坐郵輪環遊東北亞。這次已是第四次登船，相隔上次已有四載。回想起當年十天的無極號豪華海上旅程，由朝食到晚，晚餐更有阿拉斯加大蟹腳任食，食飽又有表演睇，睇完又可以到酒吧聽音樂，這就是標準的退休生活。

一般的長途郵輪，都會抽出一晚作為船長晚宴，由船長宴請大家（其實我們都付了錢）並介紹船員，乘客都會在當晚「扮上等」、穿上晚禮服進餐，當年的船長晚宴更設有冰雕展。郵輪生活以靜態為主，看看畫、聽聽歌、吹吹風，人亦浪漫不少……，好彩有間遊戲機中心。