♨ 郵輪假期

　

前陣子來自新加坡的雙子星號爆諾沃克病毒，近百個遊客上吐下瀉，食過的肉骨茶、海南雞飯、咖哩炒蟹皆付諸大海。郵輪假期，頓時天堂變成地獄。小弟都好鍾意坐郵輪，中招的雙子星號就未坐過，只係坐過同系在新加坡服役的處女星號，以及原本在海運碼頭經常見到的獅子星號（好像已賣給別人）。當然最令我懷念，就係從溫哥華出發、排水量超過90,000噸的無極號infinity。

坐郵輪當然要揀露台客房，景觀開揚，還有私人空間。獲得香港的代理通知，竟幸運地獲得免費升級至露台豪華客房。加咗「豪華」兩個字，每個人本來要多付成1,000元！雖然已經是四年前的事，現在想起都偷笑。至於露台豪華客房有甚麼特別？說來其實又沒甚麼特別，只是位於船尾，個露台差不多大過間房。如果識到幾個鬼佬識得打牌，個露台仲可以開幾枱麻將呢。