♨ 海鮮街，海鮮佳？

　

因工作關係，認識了一位台灣客，問到對西貢的印象，他以閃電速度答道：「海鮮！」還是多得旅發局的推介。西貢有條海鮮街，附近的海鮮酒家閒閒地有十多家，但甚少幫襯，全因本人少肉多菜。曾經跟同事到過洪記，包括一名日本人，他已多次叫我們帶他到西貢食海鮮餐。當在酒家安頓下來，各人即興致勃勃湧到魚缸去睇海鮮。

美食當前，眼見左邊那位齒著瀨尿蝦，右邊那位刷著花蟹，對面那位又含住條「椅」，自己卻在吃紅燒豆腐……，最不人道的是，食飽夾錢，位位盛惠三佰大元，大小同價。不過服務認真麻麻，侍應生全程好穩定地口黑面黑，愛理不理。真係要成龍大哥到來，跳上個魚缸招呼客人，大家才記得待客至上。